- ທຸກຄົນມີບັນຊີຂອງຕົນເອງ ເຊີນດ້ວຍອີເມວ (ເບິ່ງ Project ແລະ ການຊວນທີມ) ຫ້າມໃຊ້ບັນຊີ ຫຼື ລະຫັດຜ່ານຮ່ວມກັນ
- ສິດແຍກຕາມ Project ນັກພັດທະນາເປັນ Editor ໃນ Project ທົດສອບ ແລະ ເປັນ Viewer ໃນ Project ໃຊ້ງານຈິງໄດ້
- Owner ໃຫ້ໜ້ອຍທີ່ສຸດ ພຽງ 1–2 ຄົນທີ່ຮັບຜິດຊອບທຸລະກິດ ແລະ ເລື່ອງເງິນ
- ເມື່ອມີຄົນລາອອກ ເອົາອອກຈາກທຸກ Project ໃນມື້ດຽວກັນ
- ພະນັກງານຮ້ານ ທີ່ພຽງຮັບອໍເດີ ຫຼື ຄິວບໍ່ຕ້ອງເຂົ້າໜ້າຈັດການ ໃຫ້ໃຊ້ບັນຊີພະນັກງານຮ້ານແທນ (ເບິ່ງ ບັນຊີພະນັກງານຮ້ານ)
ເປີດການຢືນຢັນຕົວຕົນ 2 ຂັ້ນຕອນ
- ກົດຮູບໂປຣໄຟລ໌ມຸມຂວາເທິງ ແລ້ວເລືອກ ບັນຊີ ແລະ ການແຈ້ງເຕືອນ
- ທີ່ ການຢືນຢັນຕົວຕົນ 2 ຂັ້ນຕອນ ກົດ ເປີດໃຊ້ງານ ໃສ່ລະຫັດຜ່ານຂອງບັນຊີ ແລ້ວກົດ ຕໍ່ໄປ
- ສະແກນ QR ດ້ວຍແອັບຢືນຢັນຕົວຕົນ ເຊັ່ນ Google Authenticator ຫຼື Microsoft Authenticator (ສະແກນບໍ່ໄດ້ ໃຫ້ພິມລະຫັດທີ່ສະແດງໃຕ້ QR ໃນແອັບແທນ)
- ພິມລະຫັດ 6 ຫຼັກທີ່ແອັບສະແດງ ແລ້ວກົດ ຢືນຢັນ ແລະ ເປີດໃຊ້ງານ
- ລະບົບສະແດງ ລະຫັດສຳຮອງ 10 ລະຫັດພຽງຄັ້ງດຽວ ກົດ ດາວໂຫຼດ ຫຼື ສຳເນົາ ເກັບໄວ້ໃນບ່ອນທີ່ປອດໄພ ແຍກຈາກໂທລະສັບ ໃຊ້ແທນລະຫັດຈາກແອັບໄດ້ລະຫັດລະເທື່ອຖ້າໂທລະສັບເສຍ
ເມື່ອເປີດໃຊ້ງານແລ້ວ ອຸປະກອນອື່ນທີ່ເຂົ້າສູ່ລະບົບໄວ້ຈະຖືກອອກຈາກລະບົບ ແລະ ຕ້ອງເຂົ້າສູ່ລະບົບໃໝ່ພ້ອມລະຫັດຈາກແອັບ
ທີມງານຈະບໍ່ຂໍລະຫັດຜ່ານ ຫຼື ລະຫັດຢືນຢັນຕົວຕົນຂອງທ່ານເດັດຂາດ