1. ຍ້ອນ release
- ເວັບໄຊ: ຍ້ອນກັບໄປເວີຊັນທີ່ເຄີຍເຜີຍແຜ່ (ເບິ່ງ ເຜີຍແຜ່ເວັບ)
- Container: ທຸກ deploy ເປັນ revision ກົດ Rollback ມາທີ່ນີ້ ໃນແທັບ Revisions
- Static Web: ເກັບ release ໄວ້ 5 ລຸ້ນລ່າສຸດ ກົດ ໃຊ້ Release ນີ້
2. ຕັ້ງ Backup ຕາມຮອບໃຫ້ຖານຂໍ້ມູນທຸກໂຕ
ຂໍ້ມູນທີ່ປ່ຽນທັງວັນ ເຊັ່ນ ອໍເດີ ໃຫ້ Backup ທຸກ 6 ຫຼື 12 ຊົ່ວໂມງ ຂໍ້ມູນທີ່ບໍ່ຄ່ອຍປ່ຽນໃຫ້ Backup ລາຍວັນ ຫຼື ລາຍອາທິດ ເກັບຈຳນວນຊຸດໃຫ້ພໍຍ້ອນໄປໄດ້ໄກເທົ່າທີ່ຕ້ອງການ ເຊັ່ນ ລາຍວັນ 14 ຊຸດສຳລັບ 2 ອາທິດ ຄ່າພື້ນທີ່ຄິດຕາມຂະໜາດທີ່ເກັບ ຈຶ່ງບໍ່ຄວນເກັບເກີນຈຳເປັນ
3. ສັ່ງ Backup ເອງກ່ອນການປ່ຽນແປງໃຫຍ່
ກ່ອນ migrate ຂໍ້ມູນ ນຳເຂົ້າຂໍ້ມູນຈຳນວນຫຼາຍ ຫຼື ອັບເກຣດ ໃຫ້ກົດ Backup ດຽວນີ້ ໃນແທັບ Backups Backup ທີ່ສັ່ງເອງເກັບໄວ້ 90 ວັນແລ້ວລຶບອັດຕະໂນມັດ ລະບົບເຕືອນທາງອີເມວ ແລະ ກະດິ່ງລ່ວງໜ້າ 7 ວັນ ແລະ ກົດ ຕໍ່ 90 ວັນ ໄດ້ຟຣີບໍ່ຈຳກັດຄັ້ງ (ຄ່າພື້ນທີ່ຄິດຕາມຂະໜາດຄືເກົ່າ)
Backup ຂອງຖານຂໍ້ມູນຖືກລຶບໄປພ້ອມກັບຖານຂໍ້ມູນ ແລະ ຖ້າ Wallet ຂອງ Project ຫວ່າງຄ້າງໄວ້ ບໍລິການຈະຢຸດຫຼັງ 72 ຊົ່ວໂມງ (ບັນຊີໃໝ່ 24 ຊົ່ວໂມງ) ແລະ ຖືກລຶບຫຼັງ 30 ວັນ ລວມທັງ Backup ນຳ ຢ່າລຶບຖານຂໍ້ມູນທີ່ອາດຍັງຕ້ອງກູ້ຄືນ ແລະ ເຕີມ Wallet ຂອງລະບົບຈິງໄວ້ສະເໝີ
ເກັບສຳເນົາໄວ້ເອງ ແລະ ຊ້ອມກູ້ຄືນ
ທຸກ 2–3 ເດືອນ ໃຫ້ dump ຂໍ້ມູນລະບົບຈິງດ້ວຍ pg_dump ຫຼື mysqldump ແລ້ວນຳເຂົ້າຖານຂໍ້ມູນໃນ Project ທົດສອບທີ່ແທັບ ນຳເຂົ້າຂໍ້ມູນ ແລະ ລອງໃຫ້ແອັບເຮັດວຽກເທິງຂໍ້ມູນນັ້ນ ຈະໄດ້ຮູ້ວ່າ Backup ໃຊ້ໄດ້ແທ້ ແລະ ມີສຳເນົາເກັບໄວ້ນອກແພລດຟອມນຳ
ຖານຂໍ້ມູນຂອງລະບົບຈິງ: ເຄື່ອງສຳຮອງ ແລະ ກູ້ຄືນຍ້ອນເວລາ
- ເປີດ High availability: ເຄື່ອງສຳຮອງໃນອີກ zone ຮັບວຽກແທນເອງເມື່ອເຄື່ອງຫຼັກບໍ່ຕອບ ຊື່ IP ແລະ ລະຫັດຜ່ານຄືເດີມ ຂໍ້ມູນທີ່ຫາຍບໍ່ໄດ້ເຖິງວ່າວິນາທີດຽວ ເຊັ່ນ ການຊຳລະເງິນ ໃຫ້ເປີດ Synchronous replication ນຳ
- ເປີດ ກູ້ຄືນຍ້ອນເວລາ ເພື່ອກູ້ກັບໄປວິນາທີກ່ອນພາດ ເຊັ່ນ
DELETEທີ່ລືມໃສ່WHEREເປັນຖານຂໍ້ມູນໃໝ່ - ເປີດ ຂະຫຍາຍພື້ນທີ່ອັດຕະໂນມັດ ດິສເຕັມຈະໄດ້ບໍ່ເຮັດໃຫ້ຖານຂໍ້ມູນຢຸດ ແລະ ຕັ້ງ ຊ່ວງເວລາບຳລຸງຮັກສາ ນອກເວລາທີ່ລູກຄ້າໃຊ້ຫຼາຍ
ເບິ່ງ High availability, ກູ້ຄືນຍ້ອນເວລາ ແລະ ອັບເກຣດເວີຊັນ
Read replica ແລະ log
- ຖານຂໍ້ມູນທີ່ມີຄົນອ່ານຫຼາຍ ໃຫ້ເພີ່ມ Replica ທີ່ແທັບ Read replica ແລ້ວໃຫ້ລາຍງານໄປອ່ານຈາກ Replica ຖານຂໍ້ມູນຫຼັກຈະໄດ້ບໍ່ຊ້າ ຖ້າຖານຂໍ້ມູນຫຼັກມີບັນຫາຮ້າຍແຮງ Promote Replica ຂຶ້ນມາແທນໄດ້
- ແທັບ Logs ເກັບພຽງປະມານ 16 MB ລ່າສຸດຕໍ່ບໍລິການ ແລະ ເລີ່ມໃໝ່ທຸກຄັ້ງທີ່ deploy ຖ້າຕ້ອງເກັບ log ດົນກວ່ານັ້ນ ໃຫ້ແອັບສົ່ງ log ໄປເກັບທີ່ລະບົບຂອງທ່ານເອງ